Snaptee Blog 【本土電影】6 部港產片風格大不同

早排香港電影金像獎話畀我哋知，其實香港都仲有好多好有本土特色嘅電影，《樹大招風》、《一念無明》同《點五步》都好高質。不過可能 budget 唔多，宣傳未必好夠，好多時都係靠「攞獎」先令更多人注意到。所以今次都揀咗幾部即將上映嘅港產片，同大家介紹一下，等大家可以知多啲，睇啱就入場支持吓喇喂。《春嬌救志明》Photo Credit : 《春嬌救志明》 （寰亞電影）雖然嚴格嚟講都係合拍片，但導演彭浩翔醒目在識得擺好多港式趣味喺入面，唔會搞到部戲不倫不類。今次要唱〈別問我是誰〉定〈動地驚天愛戀過〉真係要入場至知，不過，如果再見到「i n 55!w !」嘅話，感覺肯定即刻返返嚟！《失眠》Photo Credit : 《失眠》（英皇電影）久違了的懸疑恐怖片！以前香港真係好多呢一類戲，不過大陸電影不能鬧鬼，就好似即刻絕晒跡。《失眠》講女主角一家患上離奇失眠症，追查之下發現背後有女鬼作祟，聽落都覺得人驚！據知部戲恐怖之餘亦好 cult，勁多血肉橫飛場面，黃秋生唔通又演一個喪心病狂？《29 + 1》Photo Credit : 《 29+1 》（ 中國 3D 數碼娛樂 ）舞台劇演員彭秀慧的劇場作品搬上大銀幕，難得嘅係電影闢除晒舞台劇陣味，感覺係新嘅創作一樣。戲如其名，講女人踏入 30 歲前的心態，雖然男人可能冇乜共鳴，不過有時集體回憶嘅嘢，係無分性別嘅。《脫皮爸爸》Photo Credit : 《脫皮爸爸》（ 洲立影片）又係劇場界嘅猛人，睇開話劇嘅一定識呢部戲嘅編導：司徒慧焯。不過部戲最吸引嘅係吳鎮宇嘅精湛演技，佢要由 79 歲演到 19 歲！調返轉？冇錯，是咁的，部戲講佢有腦退化症，唔知邊一日開始，每日會脫一層皮，脫一層皮就後生幾年，結果同個仔嘅年紀愈來愈近。到最後，其實係講父子情，溫馨又感人！《原諒他 77 次》Photo Credit : 《原諒他77次》（英皇電影）港片最叻係乜？勝在多變！愛情小品自然唔少得。《原諒他 77 次》講男主角記錄咗令佢女友心痛嘅 77 次回憶，女人容易心痛但更易心軟，受完傷害又放唔低份感情，不過去到第 78 次又會點？周柏豪、衛詩雅、蔡卓妍主演，最估唔到係，蔡卓妍有份參與創作，要向才女進發了？《拆彈專家》Photo Credit : 《拆彈專家》（ 泛亞影業 ）講港產片，又點可以唔提警匪動作片呢？《拆彈專家》雖然都有大陸資金，不過成件事都充滿港味，導演係香港人、主角係香港巨星劉德華、拍攝場地亦係香港，仲有黑仔（姜皓文）、張繼聰、黃日華等有份量嘅本地演技派配角，勁有吸引力。部戲講乜？梗係拆彈啦，聽落香港發生啲咁嘅事好似好離地，但其實係以真實拆彈發現案為藍本㗎！著出你對電影嘅愛支持香港電影，梗係真金白銀買飛入場睇最實際，不過如果你對電影嘅愛多到滿瀉，著埋出嚟梗係更好，做件個人專屬電影 tee 其實話都冇咁易。Credit: 2001: A Space Odyssey Space Station originally by NASA on the Commons1/ 太空未必人人都去到，但好多埸境您都可能去到！去代表到你鍾意嘅戲嘅場景、物件，自己影返張相，印上 tee，咩都唔使多講，大家就會明白晒。譬如印張重慶大慶嘅相，應該冇人以為你係鍾意食咖哩先咁做。Credit: Les Miserables originally by dockedship2/ 直接印戲名劇照呢啲侵權嘢當然唔好做，可以加小小創意，用第二種風格重新二創，又或者諗啲創意字句，令人勾起對某部戲嘅回憶，換個會心微笑，夠晒過癮。喜劇、cult 片不妨惡搞再惡搞，自己設計有心思嘅二次創作 poster，創意夠勁，行出街都覺得型啲。咁快手已經整好咗您嘅電影Tee？而家喺手機 App 結帳前輸入優惠碼【LOVEHKMOVIE】即減80蚊，只限首100位！Realize your creativity，立即購買個性 Movie Tee！http://bit.ly/2oXJpAT