Snaptee Blog 【 Behind The Tee 】 - Teddy Lo

曾經係Pro-gamer，同「做運動」呢三個字完全扯唔上關係嘅 Teddy，其實都係 4、5年前回港，為咗改善體重問題，先至不得不聽從醫生指示，開始運動。Teddy 話：「我覺得香港嘅 fitness 公司比其他地方相對保守同落後。大部份大型嘅 Gym，都只會教啲人人都玩得，較基本嘅玩法。當然，喺商業角度，咁樣嘅設定可以令多啲人容易上手同參與，會令個 business 成長得快啲，不過我自己覺得咁樣嘅 Gym，無乜趣味。」當年 Teddy 開始做運動，都係 Join 啲大型連鎖 Gym，啱啱開始玩，都覺得幾 ok 嘅，甚至會玩埋泰拳。但直至 2、3年前，有個玩開 Aerial Arts 嘅朋友問佢有無興趣一齊試下馬戲表演。嗰時應承咗，Teddy 重同佢一齊係演藝做咗幾場好好玩嘅 Show！所以，就係咁樣，Teddy 愈嚟愈專注咁向 Circus 嘅方向行。做得 Gamer，好勝心一定強。即使本身完全無運動嘅經驗，Teddy 投入咗 Circus 嘅世界就無停過。除咗自己練習、亦有偷下人哋師，睇下人哋係點樣樣教授唔同動作、技巧。不消幾年，Teddy 已經由一個運動絕緣體，蛻變成一個可以教你體操，幫你 Keep Fit 嘅 Mentor。不論男女，人人都想擁有美好身型。可惜作為城市人，係扮工室返工嘅你，日日都係坐多過行，又例牌要OT，放工後，要下決心去做運動，並唔係講咁容易。Teddy 就話：「我可以由一個 Gamer 變成而家咁，我諗係因為我搵到自己鍾意做鍾意玩嘅野。成個過程，我好少會唔願意去、或者唔想做 Gym。其他人定目標，一個星期要減幾多磅可能係 Work 嘅，but one way doesn't work for everyone！我覺得最重要係要搵得到真係啱你自己嘅 Challenge，當佢係 Game 咁玩，咁你先可以持續咁玩，玩得好。」Trybe 有提供唔同類型嘅課堂，有Strength & Conditioning，Movement，Gymnastics，Cirque class 等等。小編現場所見，各個場地之間係無間隔嘅。原來，呢樣野都係 Teddy 嘅精心設計。「基本上，無論你上咩野堂都好，都一定有機會見到其他課堂係玩乜野，點玩法。最終嘅目的，係想嚟得呢度玩嘅人，睇得多，最少會知道其他堂係點玩。即使佢原本係驚個樣運動，最終都肯去試下。我想佢哋玩得晒呢個場嘅所有野，係因為我想 Push 佢地去做到一啲自己平時唔敢做嘅野，咁當然唔係一下就推佢去做啲好極端嘅動作啦，我地會一路 Guide 住佢嘅。」要變好，可能就要面對自己唔敢試，一直都恐懼嘅事物！係咁開放嘅環境玩，除咗可以睇多啲新野，其實重可以同隔離班同學係一路上堂一路交流下，分分鐘咁就識到個另一半返嚟都唔出奇㗎！（笑）「如果你只係著重追求數字或者要勁，要減到幾多磅，舉到幾重，It's OK，但我覺得會比較辛苦，因為你會需要非常之 Disciplined 咁去訓練。要保持長時間咁做，中途都會需要其他 Motivation去幫你繼續堅持落去。」唔少人去Gym，除咗追求數字上嘅進步，可能係想要運動所提供嘅功效。佢哋知道自己要做運動去保持健康，但成件事係焗住做，係唔開心咁做，其實好難維持。Teddy 覺得，做運動，做 Gym，除左 Keep fit 之外，要幫到人 Relieve 同 have fun！「我見過我呢度嘅學生，由開始，抱住普通去 Gym 嘅心態，變成愈來愈 Enjoy，喺呢度玩得好開心。平時 Lunch 特登上嚟玩，甚至玩到個場熄燈收工都唔願走，開始當咗我哋呢個 Gym 係屋企。」Teddy 如是說。創作，係 Trybe 入邊其中一個重要嘅元素。「 Creativity 係用自己嘅經歷，當下嘅心態去創造一個故事出嚟。件事未必人人都會明白，人人都識得欣賞，But I think that's correct，因為其他人無你嘅經歷，佢未必明白你點樣行到去呢個狀態。簡單講，Creativity 就係 What Comes From Your Mind。」喺 Trybe 上 Movement Class，除咗會學習到一啲基本嘅 Sequence，動作，仲會定期舉行表演，俾學員參加。「大家可能都對寫字、畫畫呢類表達自我嘅方式比較熟悉，但我反而想大家試試透過肢體、動作，去創作同埋訴說自己嘅故事、同人溝通。 我想大家都唔好太在意自己做緊啲乜，Just let it go and relax，唯有咁樣，先可以俾機會裡邊把聲慢慢地講野。Trybe 嘅表演最重要嘅唔係準確咁跟到啲拍子，或者啲動作好 Perfect，好靚。因為我哋唔係要你跟足晒先生做乜你就要做乜，This is not creativity，呢啲叫罰抄。係 Trybe，我想大家作文，唔係罰抄，我想大家能夠表達自己、Communicate。」「試咗，先至夠資格講唔得！因為試咗，就算今日唔得，通常過幾年都得！（笑）著衫，最緊要舒服。人哋 brand 嘅野我自己就唔係好鍾意著，如果個 Design 係關於自己嘅 Passion 就唔同。因為我覺得件衫都係一種 Communication，it's part of me。」---而家喺 Snaptee App 結帳前，輸入優惠碼【JUSTTRY】即享限時九折！Realize your creativity，立即購買個性衣著！http://bit.ly/2oNSg7M更多設計個性服飾嘅資訊？即刻 Like Snaptee Hong Kong 跟實我地！有關於T-shirt嘅動人故事分享？Email 你嘅故事去 Story@snaptee.co