Snaptee Blog 【 Behind The Tee 】-  字體設計師 Julius Hui

「中學嗰時，已經覺得字體好有型，會同朋友一齊研究。嗰時未係好識啲字體，以為全世界都係用 Arial（笑）。當年完全無 Art Background 咁去讀 Design。一來自己唔識畫畫，二來冇錢去影相，但字體相對比較容易接觸， 反而會令自己集中研究呢件事。我嗰時會寫下 Program，用 Flash 寫啲 script，咁 Flash 嘅字體因為係 anti-alias，出嚟嘅字唔會有『狗牙』，所以特別喺嗰度用好多字，砌咗好多唔同嘅 graphic。上到大學，第一堂就已經有人講 Typography 嘅嘢，介紹 Josef Müller-Brockmann，一個好出名嘅瑞士設計師……」如今已經成為字體設計師嘅 Julius，娓娓道來自己當初「入魔之路」。喺常人眼中，字體未必咁容易可以一望就分辨到，Julius 亦直言，下苦功，專心咁研究唔同字體，係不二法門。「當年入到Poly（註：香港理工大學），係香港第一間唯一有專門於字體課程嘅院校。好好彩遇到嘅幾位老師，都係字體設計師，咁就跟佢地學野。個時 YEAR 2 Study Trip 去咗英國同荷蘭嘅學校，親身睇下字體設計嘅生活係點。能夠咁近距離去體驗做字體設計嘅生活，令我感受好深。」想大家慢慢搵返美學嘅根，識得欣賞，將中文字嘅地位提升返。「每一個字，都要 Craft 靚佢，佢地好享受呢個過程。佢哋嘅專案好實用，設計都係建基於一啲實際用途嘅考慮，我覺得呢樣野好扎實，好實在，我好鍾意呢樣感覺。相對於做其他設計，例如做海報設計，做一張，ok，或者要我做十張，我都 ok，但做一百張就未必得，自問僅有小聰明，支撐唔到無限嘅創作工作。但你叫我做 Problem-Solving 嘅嘢我又好得心應手，所以就一路咁喺字體設計呢個範疇愈行愈深，亦順理成章咁做埋研究。」空明朝空明朝體，係 Julius 現正著手開發嘅新字體，佢嘅目標，係要做好每個字嘅線條同細節。不過中文字體開發，一向特別難做。字體開發，講求要每個字、每個筆劃精雕細琢，本身已經需要大量資源。相比其他語文字體，中文字數量極多，當中唔同筆劃嘅組合，變化亦多，所需資金，時間亦因為咁而大幅推高。開發中文字體，除咗講毅力，更加係一個門高風險嘅賭博，但 Julius 對咁有挑戰性嘅專案，仍是信心滿滿，或者，支撐佢嘅，係一個更大嘅願景。我希望能夠造一套值得大家驕傲嘅字體，以後大家做設計時，唔需要借用日本字體，為搵唔到某啲中文字煩惱（笑）。「基本上，我想教育市場。」Julius 淡淡地講出呢一句心底話。「我會向不同設計師講解空明朝嘅概念、用途，各樣種種。希望套字終有一日推出市場，佢哋就已經好明白套字，知道應該點應用，甚至運用佢哋自己嘅影響力，推薦比其他設計師。」Julius 咁做，並唔係為咗 Hard-sell，而係想推動中文字體嘅普及同發展。「中港台嘅設計師都好少評鑑中文字體，甚至係好怕去講。我覺得，你唔了解套字嘅特徵，唔識分點為之好，點為之唔好，就自然唔識揀。唔識欣賞甚至連最基本咁理解套字嘅價值都做唔到，就唔會比錢買套字。一套字如果用咁多資源，人力物力造好後無人問津，對於成個行業生態都唔好，一直無乜無新字體出現亦都係因為呢個問題。我希望能夠造一套值得大家驕傲嘅字體，以後大家做設計時，唔需要借用日本字體，為搵唔到某啲中文字煩惱（笑）。亦想大家慢慢搵返美學嘅根，識得欣賞，將中文字嘅地位提升返。」 What does a T-shirt mean to me?鍾意大花 print 好、胸口只有一個袋仔好，定係皺左既一件 tee 好，都係一種態度，一種聲音，一種 expression，係一種發表嘅平台。我覺得 tee 就似一張著上身嘅畫紙，可以對佢做任何事。例如：鍾意大花 print 好、胸口只有一個袋仔好，定係皺左既一件 tee 好，都係一種態度，一種聲音，一種 expression，係一種發表嘅平台，我特別鍾意白 tee 或者只有一個有心口口袋既 tee 去見朋友。準備去用心袋住見朋友時嘅對話，呢種就係我嘅想法，我嘅 expression。即使「冇想法都係一種想法」，聽落好似好廢，卻係千真萬確，所以我其實都有好多 tee，邊件啱心情就會 pick 邊件著，係真嘅。（笑）Realize your creativity，自製獨一無二嘅個性衣著：http://bit.ly/2oidusD更多設計個性服飾嘅資訊？即刻 Like Snaptee Hong Kong 跟實我地！有關於 T-shirt 嘅動人故事分享？Email 你嘅故事去 Story@snaptee.co